Johan LiebenbergKultuurSkrywersTaal

laasnag ‘t jy ‘n lied geword – francis grobler

jy’t kort-kort omgekyk en nie in sout verander nie

en al was jou voete in vlug het jy geweet hoe diep die

grond moes breek voor die berge sou skuif en dat daar ‘n

psalm anderkant die breeklyn van bitterheid was

 

maar jy’t nooit geweet hoedat na-nagte

die ingeswarte gisters en drifsels en droef

uit jou slaap sou roep nie want jou

oë was vraend soos ‘n soektog

 

jy’t ook nie die inmurging van waan só ruim

vermoed of dat bloed uit die

binnelope van jou are kan val wanneer jou

kop jou lyf so vreeslik diep dring nie

 

en ek –

ek’t nooit geweet hoe besete ink in die

leë lyne tussen strofes kan spartel of

hoe moedswillig ellipse die einde van

‘n slotvers kan stip nie

 

want kyk hoe doof raak die beeldhouers vir die

klank van die beitel wanneer versmakers hulself

ter dood dig in die leemtes van

droomskelette en ou vlindermurg

 

maar –

my tussenstoof-stiltes sal altesaam

waarmakings word en opsteier in ‘n

stom ovasie aan die klamkant van my kyk

 

want teen ligdag was daar sterstof om jou mond want

ek weet jy‘t laasnag die son se voete gesoen

en die volklanke van gebreekte water

aan jou kroon gehang

 

en vanoggend was jy ongeskonde –

‘n wordende lofsang in die

reinste vorm van ‘n

varsgebore psalm

 

en ek was bly – want dalk ‘t jy laasnag ‘n lied geword

 

francisgrobler2018©

About author

Articles

Short bio on DEKAT here...
Related posts
CalendarEventsKultuurMusic

Betowerende 'Klassiek Piekniek' by Taalmonument

Geliefde musikante se talentklanke gaan beïndruk Die Afrikaanse Taalmuseum en -monument (ATM) speel…
Read more
BoekeSkrywers

Inspiration for life and business

A new book entitled Sheep Will Never Rule the World, which launched this year, will teach you how to…
Read more
CalendarEventsKultuurKuns

Jazz & Classical Encounters Festival Vol 2 @ Spier

The 2020 Jazz & Classical Encounters Festival Vol 2 @ Spier Amphitheatre featuring some of the…
Read more
Newsletter
Become a Trendsetter

Sign up for DEKAT's newsletter and get the best of DEKAT, tailored for you.

Leave a Reply

Your email address will not be published. Required fields are marked *