Instructions

1. Gooi die water in maatbeker en voeg dan die gis en wit suiker by. Roer tot die gis gemeng
   is met die water. Laat die mengsel ontwikkel vir so 5-6 minute. Die gis sal
   liggies begin borrel en ’n skuimlaag vorm.
2. Meng die meel, kekerertjies, Dukkah en sout in ’n groot mengbak. Voeg die gismengsel
   by en roer dan met ’n lepel tot ’n deeg vorm.
3. Plaas die deeg op ’n werkoppervlak wat liggies bestrooi is met meel en begin om die deeg
   te knie. Voeg nou die geaktiveerde houtskool by en knie vir ’n verdere
   2-3 minute. Die houtskoolpoeier is geneig om orals heen te spat, maar moenie
   skrik as dit gebeur nie. Die deeg sal teen dié tyd grys wees met ’n mooi marmereffek. 
4. Vorm die deeg in ’n langwerpige worsvorm en deel dan eweredig in 6-8 stukke. Hoe
   kleiner die stukkies hoe meer broodjies sal jy kry.
5. Gebruik jou hande om elke stukkie te druk en trek om ’n plat broodjie te vorm. Die
   broodjies hoef glad nie eenvormig te wees nie.
6. Verhit ’n pan oor medium hitte. Voeg 1 eetlepel sonneblomolie of varkvet ’n die pan
   en braai dan die broodjies vir 2 minute aan elke kant. Hou die plaat dop en
   verstel die hitte soos nodig om die broodjies gaar te kry sonder om hulle te
   brand.  As die olie opraak, gooi nog ’n eetlepel
   by.
   

Kasjoeneutpesto

1. Dreineer die kasjoeneute en plaas in ’n voedselverwerker.
2. Voeg die basiliekruid, parmesaan en olyfolie by en meng kap tot romerig.
3. Smeer op die platbrood en strooi bokmelkkaas oor.
4. Garneer met vars kruie en ekstra olyfolie.