BoekeHoofartikelsKultuurKunsTaal

Ek sal spieëls voor die ruite hang – Francis Grobler

kyk hoe hurk my hande
in spore wat só andersom neig
asof dit ‘n rekenfout
of onwiskundige eksponent is?

is ‘n eenling se weerkaatsige bestaan
‘n soort hoofstroom-offensief
of bloot die droewige vloek
vir ‘n meerdimensionele kop
wat stukkende motte en duiwe las

kon ek myself maar oopsnik
uit die hoeke waarin ek my so vreeslik vasvers
of uit die voordood van gelapte wêrelde
of uit die gemendse lot van ‘n dromer – sou ek

en sou ek dalk die sugte
van elke bang metafoor se vêraf pleit
soos blare uit my are laat buig ‘t
en my trap meer berekend plant

maar die raaisels van my kop
sit soos wasem teen my vingers
en kyk hoe krom word die tyd in my hande
voor dit sink in grafskrifte en goed

en kyk hoe donker word dit
as die spoke voor die maan gaan staan
en die bloed teen die murg
van ‘n ounag spat

daarom

sal ek spieëls hang voor my ruite
met die blink-kant na buite (soos ‘n malmens maar maak)
want weerkaats het nie ‘n asem nie
en geen iris kan binnetoe breek
in sewejaar-snye nie

fg2019©

About author

Articles

Short bio on DEKAT here...
Related posts
BoekeBon VivantFood & travelLuxury produktePromosiesStyl

The LOUIS XIII Thesaurus, a timeless treasure

How does one quantify the work of generations of cellar masters spanning 147 years? Professor of…
Read more
BoekeKos

A Cook walked into a Tapas Bar...…and the rest was 76 recipes

Picture it. The early morning bustle of heels and hopes along Barcelona side streets; the…
Read more
BoekeFotografieReis

Die stories onderkant die vlerke

Terwyl die Jabiru J430-vliegtuig laag oor die landskap swiep, loer Jay Roode se Canon 5D lens eenoog…
Read more
Newsletter
Become a Trendsetter

Sign up for DEKAT's newsletter and get the best of DEKAT, tailored for you.

Leave a Reply

Your email address will not be published. Required fields are marked *